काठमाडौं, १५ असार । जारी युरोकपमा आजदेखि नकआउट चरणका खेलहरु हुँदै छन् । नकआउट चरणको खेलमा आज जर्मनी र डेनमार्क खेल्दै छन् । यो खेल नेपाली समय अनुसार राति १२ः४५ बजेदेखि सुरु हुँदैछ ।
युरोकपको आयोजकसमेत रहेको जर्मनीले समूह ‘ए’ मा ३ खेल मध्ये २ जित र एक बराबरीसहित शीर्ष स्थानमा रहँदै नकआउटमा पुगेको छ ।
त्यस्तै, डेनमार्कले समूह ‘सी’बाट तीनै खेल बराबरी खेलेर दोस्रो स्थानमा रहँदैनकआउटमा पुगेको हो ।
जर्मनीले अहिलेसम्म तीन पटक युरोकप जितेको छ भने तीन पटक उपविजेता बनेको छ । जर्मनीले पछिल्लो पटक १९९६ मा युरोकप जितेको थियो भने २००८ मा उपविजेता बनेको थियो ।
त्यस्तै, डेनमार्कले १९९२ मा युरोकप जितेको थियो । त्यसयता डेनमार्क युरोकपको फाइनलमा पुग्न सकेको छैन ।
जर्मनी र डेनमार्कबीच अहिलेसम्म २८ खेल भएका छन् । जसमा जर्मनीले १५ खेल जितेको छ भने डेनमार्कले ८ खेल जितेको छ । त्यस्तै ५ खेल बराबरीमा सकिएका छन् ।
नकआउट चरणमा को-को खेल्दै छन् ?
२४ देशले भाग लिएको युरोकपमा ८ देश बाहिरिएका छन् भने १६ देश नकआउट चरणमा पुगेका छन् । जसमा हरेक समूहका समूह विजेता र उपविजेता गरी १२ देश नकआउटमा पुगेका छन् भने हरेक समूहका तेस्रो स्थानमा रहेका शीर्ष चार देश नकआउट चरणमा पुगेका छन् ।
जसमा समूह ‘ए’बाट जर्मनी विजेता र स्वीजरल्याण्ड उपविजेता बन्दै नकआउटमा पुगेका छन् भने हंगेरी र स्कटल्याण्ड समूह चरणबाटै बाहिरिएका छन् ।
त्यस्तै, समूह ‘बी’बाट स्पेन समूह विजेता र इटाली उपविजेता हुँदै नकआउटमा पुगेका छन् भने क्रोसिया र अल्बानिया बाहिरिएका छन् ।
त्यस्तै, समूह ‘सी’बाट इङल्याण्ड विजेता र डेनमार्क उपविजेता हुँदै नकआउटमा पुगेका छन् ।
त्यस्तै, स्लोभेनिया तेस्रो स्थानमा रहेर नकआउटमा पुगेको छ । यस समूहबाट सर्बिया बाहिरिएको छ ।
त्यस्तै, समूह ‘डी’बाट अस्ट्रिया विजेता र फ्रान्स उपविजेता हुँदै नक आउटमा पुगेको छ । त्यस्तै, नेदरल्याण्डस तेस्रो हुँदै नक आउटमा पुगेको छ ।
त्यसैगरी, समूह ‘ई’ बाट रोमानिया विजेता र बेल्जियम उपविजेता हुँदै नकआउटमा पुगेको छ भने स्लोभाकिया तेस्रो स्थानमा हुँदै नकआउटमा पुगेको छ ।
त्यस्तै, समूह ‘एफ’बाट पोर्चुगल विजेता र टर्की उपविजेता हुँदै नकआउटमा पुगेको छ भने जर्जिया तेस्रो स्थानमा रहँदै नकआउटमा पुगेको छ ।
अब नकआउट चरणमा स्पेन र जर्जिया खेल्ने छन् भने जर्मनीले डेनमार्कको सामना गर्ने छ ।
त्यस्तै, पोर्चुगलले स्लोभेनियाको सामना गर्ने छ भने फ्रान्सले बेल्जियमको सामना गर्ने भएको छ ।
त्यसैगरी, रोमानियाले नेदरल्याण्डसको सामना गर्ने छ भने अस्ट्रियाले टर्कीको सामना गर्ने छ ।
त्यस्तै, इङल्याण्डले स्लोभाकियाको सामना गर्ने छ भने स्वीजरल्याण्डले इटालीको सामना गर्ने छ ।
देशभर मनसुनी वायुको प्रभाव : यी चार प्रदेशमा भारी वर्षाको सम्भावना
राजदूतका लागि रास्वपाले तयार पार्यो अन्तिम सातजनाको सूची
पहिरोले पुरिँदा बालकको मृत्यु
रञ्जिता श्रेष्ठलाई बहुमत सदस्यले हटाए संसदीय दलको नेताबाट
इंग्ल्याण्ड युरोकपको क्वाटरफाइनलमा
यस्तो छ आजको विदेशी मुद्रा विनिमय दर
सडक विभागप्रति बालेनको कटाक्ष- तिमीलाई सम्झिने मात्र काम होस, भित्ता भित्तामा नाम होस !
मौसम खराब भएपछि बारबाडोसमै फस्यो भारतीय क्रिकेट टिम
गण्डकीको बजेट बहुमतले पारित
नेपाली छुर्पी कुकुर र बिरालोको आहार, वार्षिक तीन अर्ब बढीको निर्यात
जबरजस्ती करणी मुद्दाका फरार प्रतिवादी पक्राउ
रामबहादुर बम्जनलाई १० वर्ष कैद, पीडितलाई ५ लाख क्षतिपूर्ति
पर्यटन प्रवर्द्धनका लागि मन्थली नगरपालिकाले योजना बनाउने
पशुपति क्षेत्र विकास कोषको कार्यकारी निर्देशकमा जोशी नियुक्त
